दम हे घुटल किसानी के / जयराम दरवेशपुरी

मन के ताव मरल हउ भइया
सतबल सब ई पानी हे
ई गइत में हमर कहानी हे

बदरा बान्ह के नुकलइ गाती
रह-रह कपसे टोला-टाटी
कड़कड़ रउदा धिप्पल धरती
गरम हवा के दउड़े पाटी
सोंच फिकिर के
उलटल अँखिया
पेट के ई परेशानी हे

ऊपरा में दउड़े जब बादर
धरती देखवे फाटल चादर
चूल्हा के पिछआड़े बइठल
सपरल सिधमानी मन दादर
हदस पइसल हे चुरगुन में
न´ अब होत नेमानी रे

धरती धिप्पल बनलइ खपरी
जर जजात सब भुंजा फरही
हावा रहि-रहि बढ़नी झांटे
टैट बचल न´ एक्को दमड़ी
सपरल सपना माटी भेलइ
दह हे घुटल किसनी के।

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

दम हे घुटल किसानी के / जयराम दरवेशपुरी

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग