Last modified on 11 जून 2019, at 15:42

गोवाह न मिलतो / जयराम दरवेशपुरी

सशुल्क योगदानकर्ता ५ (चर्चा | योगदान) द्वारा परिवर्तित 15:42, 11 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

जब ले तू न´ देह चमकइवा
तबले तोहरा बाह न मिलतो
ई मुँहनुकवा के चादर तर
एक्को इंची राह न मिलतो

भोरे आके लाल किरिनियाँ
आँख तोहर खोलावऽ हो
चमकइ के संदेशा तोहर
माथा में सुलगावऽ हो
गद्दी पर अब
एक्को पट्टी थाह न मिलतो
डबेढ़बाज के सरकस पर
सुसताना खोवारी हे
सिहरी तोड़िके ताकऽ अभियो
कजा तलुक तोर आरी हो
समय हेरइला पछतइला पर
एक्को घोंटी चाह नऽ मिलतो

धुरफन्दी केफोटू घर-घर
बुल्लऽ हो वन के वानर
आँख अपन छुपा के बड़गो
बनि जाहो चौपट आन्हर
करऽ होश बरहरूपिया के
पीछू पग गोवाह न मिलगे।