रचि-रचि धरतिया / जयराम दरवेशपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

जयराम दरवेशपुरी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

छिनबइ भोरहरिया से
ललकी किरिनियाँ
टुह-टुह किरिनियाँ
से रांग देबइ ना
दप्-दप् खेत खरिहनियाँ
से रांग देबइ ना

दिन दोपहरिया
डटल हइ कियरिया में
डटल हइ कियरिया में
संगे संगे ना
कमियाँ कमियाँ
से संगे-संगे ना

रचि-रचि धरतिया के
कइलूं सिंगरवा
से कइलूं सिंगरवा
से चुह-चुह ना
समर हरियर पथरिया
से चुह-चुह ना

रहि-रहि उपरा में
ठनकइ बदरवा
से ठनकइ बदरवा
कि दहल जा हइ ना
निहुरल गोरिया
से दहल जा हइ ना

काना में अँगुरी द
ठाढ़ सब रोपनियाँ
हाँ ठाढ़ रोपनियाँ
से निहुरि-निहुरि ना

खून अउ पसेनमा से
रांगल धरतिया
से रोजे-रोज ना
उगइ सावा पहल सोनमां
से रोजे-रोजे ना

अँचरा पसान माँगइ
कमियाँ किसइनियाँ
से कमियाँ किसइनियाँ
से रज-गज ना
अइहें अगहन महिनमां
से रज-गज ना।