भारत की संस्कृति के लिए... भाषा की उन्नति के लिए... साहित्य के प्रसार के लिए
इन्नर बाबा दरस बरसऽ / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 20:08, 11 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
पड़इ बूने नाहीं भइया
अइलइ बरसा के समइया
झखइ दुअरी पर मजूर
किसनमां हो भाय
जरइ जिनगी के सपरल
सपनमां हो भाय!
धिप्पल खपरी भेलइ धरतिया
जरि जुरि भंुजा भेलइ जजतिया
अगिया उगलइ हकह किरिनियाँ
जरे बदनमां हो भाय!
लहलह धिप्पल घर अँगनमा
तड़-तड़ चूअहई घाम पसेनमां
तनियो सिक न´ डोलइ कन्नउं
हाय, पवनमां हो भाय!
उखबिखाल गरमी से मनमां
मिले कनउं न´ अब तब छहुरी
में ही अकबक
छूटत परनमां हो भाय
इन्नर बाबा दरसऽ बरसऽ
सूखल धरती के तू सरसऽ
सरकाहो कुमेहर भेले
जरइ संविधनमां हो भाय!
