भारत की संस्कृति के लिए... भाषा की उन्नति के लिए... साहित्य के प्रसार के लिए
लाना नया बिहान हे / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 20:33, 11 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
सीना तान खड़ा चउगिरदी
चोर आउ बेइमान हे
कने नुकइवा मंगरू काका
लूट रहल घउदा के घउदा
घुज्ज अन्हरिया लजा रहल हे
अखनी सूरज चान के
मानवता के मूल मंत्र सब
भारी लंगम् तंगम्
चोरी घुसखोरी बेइमानी
आज त्रिवेणी के संगम
तइरे डुबकी मारइ में
कुकरमी सभे महान हे
घर से लेके छिदली तक सब
एक्के राज अलापऽ हे
के काला धन कत्ते लुटला
दिल दिमाग में नापऽ हे
स्वारथ के सरगम पर पंचम
सुर में अजगुत तान हे
सुत्तऽ हा की उट्ठऽ भइया
हहियाहा के हाही हो
कान में करूआ तेल देले हा
सगेर मचल तबाही हो
हाथ से हाथ मिलावऽ भइया
लाना नया विहान हे।
