भारत की संस्कृति के लिए... भाषा की उन्नति के लिए... साहित्य के प्रसार के लिए
रिमझिम बरस लगलइ न / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:01, 12 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
उठलइ पुरूब से कजरिया
हो गेल कहाकूप अन्हरिया
रिमझिम बरसो लगलइ ना
कारी कारी रे बदरिया
रिमझिम बरसऽ लगलइ ना
बादर गरजे बिजुरी चमके
हवा बहइ पुरबइया
बिरही मन में तितकी नेसे
रह-रह आग लगइया
फर-फर ऊड़इ चुनरी धानी
मन हरसइ लगलइना
अनाधून बरसइलक पानी
डबकल खेत खरिहानी
पानी-पानी सगरो धरती
सगरो एक कहानी
मन में घुलल बताशा सब के
बिहँसऽ लगलइ ना
धरती खखनल हलइ पियासल
अहदिल भेलइना
जीव-जन्तु के कंठ तरासल
खुशदिल भेलइ ना
फेटा बान्ह किसान चलल
मन मुसकऽ लगलइ ना।
