भारत की संस्कृति के लिए... भाषा की उन्नति के लिए... साहित्य के प्रसार के लिए
दुख देलें वखरा / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:05, 12 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
अकबक परान हइ
मजदुर किसान के
हमरे कमइया पर कोठिया सब के भरइ
टुटली मड़इया पर दिन-रात विपत झरइ
लउटल दिन देखइ ने
ऊँचका मकान के
डेउढ़िया के डेवढ़िया
जोड़-जोड़ झपटऽ हइ
बाज नियन ताकऽ हइ
बाघ नियन डपटऽ हइ
न´ गुज कनउं हमनी हलकान के
फट्टल लंगोटिया हइ
देहिया उघार हइ
पेट-पीठ सट्टल हे
घेरले अन्हार हइ
कइसन रौदारी में
रहइलूं समांग के
लूट-लूट सुख हम्मर
दुख देलें बखरा
अइसन गयगिल्ली से
मगज लेल चकरा
होतउ बंटवारा न´
धरती असमान के।
