भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 50 से 60/पृष्ठ 2
Kavita Kosh से
(51)
कौसल्याकी विरह-वेदना
रागसोरठ
आजुको भोर, और सो, माई |
सुनौं न द्वार बेद-बन्दी-धुनि गुनिगन-गिरा सोहाई ||
निज निज सुन्दर पति-सदननितें रुप-सील-छबिछाईं |
लेन असीस सीय आगे करि मोपै सुतबधू न आईं ||
बूझी हौं न बिहँसि मेरे रघुबर कहाँ री! सुमित्रा माता?|
तुलसी मनहु महासुख मेरो देखि न सकेउ बिधाता ||
