भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली उत्तरकाण्ड पद 11 से 20 तक/ पृष्ठ 14
Kavita Kosh से
(20)
दीपमालिका
राग आसावरी
साँझ समय रघुबीर-पुरीकी सोभा आजु बनी |
ललित दीपमालिका बिलोकहिं हित करि अवधधनी ||
फटिक-भीत-सिखरन-पर राजति कञ्चन-दीप-अनी |
जनु अहिनाथ मिलन आयो मनि-सोभित सहसफनी ||
प्रति मन्दिर कलसनिपर भ्राजहिं मनिगन दुति अपनी |
मानहुँ प्रगटि बिपुल लोहितपुर पठै दिये अवनी ||
घर घर मङ्गलचार एकरस हरषित रङ्क-गनी |
तुलसिदास कल कीरति गावहिं, जो कलिमल-समनी ||
