भारत की संस्कृति के लिए... भाषा की उन्नति के लिए... साहित्य के प्रसार के लिए
प्रार्थना - 2 / प्रेमघन
Kavita Kosh से
आस पूरिबे की याही आस है तुही सों तासो,
आन सो न जाँचिबे की आन ठानी प्रन है।
तेरे ही प्रसाद पाई सुजस बड़ाई तू ही,
जीवन अधार याहि जीवन को धन है॥
दीजै दया दान सनमान सों कृपा के सिंधु,
जानि आपनो अनन्य दास खास जन है।
चूक न बिचारो या बिचारे की सु एकौ प्यारे,
इच्छा बारि बाहक तिहारो प्रेमघन है।
