घैला तर में झिंगुर बोलै पानी गेल घटोस
झिंगुर धीरे धीरे बोल
सौ सौ घड़ी रोॅ पापोॅ के आबेॅ खुललोॅ छै पोल
टिगुर धीरे धीरे बोल
जात धरम रोॅ बटखरा सें नैं केकरौ तोहैं तोल
झिंगुर धीरे धीरे बोल
मेहनतकश मजदूरोॅ रोॅ मेहनत के होतै मोल
झिंगुर धीरे धीरे बोल
जुलुम जुलुम छै जोर जुलुम छै इक इक सें ई बोल
झिंगुर धीरे धीरे बोल
रात गेलै दिन ऐलै आबेॅ ढोल बजाजें ढौल
झिंगुर धीरे धीरे बोल
एक्के धरती एक सरंग छै एक प्रेम अनमोल
झिंगुर धीरे धीरे बोल