भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 50 से 60/पृष्ठ 10
Kavita Kosh से
(59)
रागगौरी
करत राउ मनमों अनुमान |
सोक-बिकल, मुख बचन न आवै, बिछुरै कृपानिधान ||
राज देन कहि बोलि नारि-बस मैं जो कह्यो बन जान |
आयसु सिर धरि चले हरषि हिय कानन भवन समान ||
ऐसे सुतके बिरह-अवधि लौं जौ राखौं यह प्रान |
तौ मिटि जाइ प्रीतिकी परमिति, अजस सुनौं निज कान ||
राम गए अजहूँ हौं जीवत, समुझत हिय अकुलान |
तुलसिदास तनु तजि रघुपति हित कियो प्रेम परवान ||
