भारत की संस्कृति के लिए... भाषा की उन्नति के लिए... साहित्य के प्रसार के लिए
पिया आगिन बैशाख-1 / ऋतुरंग / अमरेन्द्र
Kavita Kosh से
Lalit Kumar (चर्चा | योगदान) द्वारा परिवर्तित 03:30, 27 मई 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह=ऋतुरं...' के साथ नया पृष्ठ बनाया)
पिया आगिन बैशाख।
करसी रङ देह जरै मन भेलै राख
पिया आगिन बैशाख।
आगिन के गोतिया बैशाखोॅ के रोतोॅ
धरती केॅ की रङ बनैलकै सुखौतोॅ
कोशी रङ गांगो भी बनी गेलै सोतोॅ
दुबड़ी तेॅ पैहिले जरी केॅ छै खाक
पिया आगिन बैशाख।
हेनोॅ बैशाखोॅ के आगिन ई आगिन
ओसरा पर ठाढ़ी गुर्रावै छै बाघिन
धेनू केॅ छानी फुफकारै छै धामिन
गाछी संग पंछी के जरी गेलै पाँख
पिया आगिन बैशाख।
-9.5.97
