भारत की संस्कृति के लिए... भाषा की उन्नति के लिए... साहित्य के प्रसार के लिए
सब के नजर कहार पर छै / रामदेव भावुक
Kavita Kosh से
Lalit Kumar (चर्चा | योगदान) द्वारा परिवर्तित 02:43, 8 जून 2016 का अवतरण
भालूं के छै नजर शेर पर, शेर के नजर सियार पर छै
छै दुनिया के नजर देश पर, देश के नजर बिहार पर छै
दहशत मे जीऐ छै जंगल
दुश्मन पत्ता-पत्ता छै
बटोही हाथ मे छै कानून
बटमार हाथ मे सत्ता छै
लह-लह लहकि रहल छै गुलशन, माली के नजर बहार पर छै
मनमौजी मौसम के चलते
हवा हियां के बहकल छै
एक तनी गलती के कारण
घर मे लुत्ती लहकल छै
घोड़ा छै बेलगाम सड़क पर, सबके नजर सवार पर छै
शूली पर जिनगी छै सबके
अपराधी तस्वीर भेलै
जिला जिला पंजाब हियां के
गांव असम कश्मीर भेलै
कोन दिशा लए जयतै डोली, सबके नजर कहार पर छै
