बिल्ली, बिल्ला आरो मुसबा / दिनेश बाबा

बिल्ली आरो मुसवा छै
दोनों ही घरघुसवा छै
बड़ोॅ बड़ोॅ दोन्हूं के दाँत
मतर बिलैया मारै काँत
बड़ोॅ बड़ोॅ दोन्हूं के मूँछ
आरोॅ लम्बा लम्बा पूँछ
मुसबा के दिल डोलै छै
जब बिल्ली म्यांऊ बोलै छै
सौंसे रात करै छै तंग
नीन करै छै दोन्हूं भंग
लगै जना खेलै किरकेट
मूस गेंद, बिल्ली छै बैट
चीं-चीं, चूं-चूं सुनी केॅ लगथौं
कानों में कांेची लौ रूईया
पकड़ै के कोशिश में कहियो
ऐथौं नैं पकड़ै में चुहिया