भारत की संस्कृति के लिए... भाषा की उन्नति के लिए... साहित्य के प्रसार के लिए
महुआ के पतई हई / हरिवंश प्रभात
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:56, 16 मई 2022 का अवतरण ('{{KKGlobal}} {{KKRachna |रचनाकार=हरिवंश प्रभात |अनुवादक= |संग्रह=ग...' के साथ नया पृष्ठ बनाया)
महुआ के पतई हई, पतई के दोना हई,
भर दोनों महुआ के खाके फिर सोना हई।
आसमान ओढ़ना आउ धरती बिछौना हई,
भर दोनों महुआ के....
चार मास बरसेला कारी बदरिया
आठ मास बरसेला हमरी झोपड़िया
सावन आउ भादो हई, किचड़ आउ कादो हई
जिनगी भर बरसेला अंखिया के कोना हई
भर दोनों महुआ के....
का खरची खाऊँ का लइका खिलाऊँ
पनियो से पातर का हालत बताऊँ
देहिया त होगइले सुखल लकड़िया
दुधवा बिन छछनत बा सपना सलोना हई।
भर दोनों महुआ के....
ना लउके केनहू बा सगरो अन्हरिया,
ना सुरूज दूर कइले विपदा के रतिया,
भुखवा आउ दुखवा हई ससुरा नइहरवा
फाटल अंचरवा के सब दिन भिगोना हई।
भर दोनों महुआ के....
