"मेरो शहर / रवि प्राञ्जल" के अवतरणों में अंतर

निसासेर भित्र भित्रै बन्द मेरो शहर ।
एकलास सन्नाटामा मन्द मेरो शहर ।

भेटिँदैन मन्दिरमा धूपको सुगन्ध,
बनेको छ बारुदको गन्द मेरो शहर ।

फूलहरू झरेका छन् मधुमास भित्र,
पतझर र बसन्तको द्वन्द्व मेरो शहर ।

छटपटेर भित्रभित्र रुन्छ गल्लीगल्ली,
नसुनिने स्वरभित्र बुलन्द मेरो शहर ।

बेधडक धडकिएन मुटु अझै मेरो,
मेरो आफ्नै गजलझैँ बेछन्द मेरो शहर ।