भारत की संस्कृति के लिए... भाषा की उन्नति के लिए... साहित्य के प्रसार के लिए
हथियार अर थारी कूंख / अर्जुनदेव चारण
Kavita Kosh से
आशिष पुरोहित (चर्चा | योगदान) द्वारा परिवर्तित 12:58, 24 नवम्बर 2011 का अवतरण ('{{KKGlobal}} {{KKRachna |रचनाकार=अर्जुनदेव चारण |संग्रह=घर तौ एक ना...' के साथ नया पन्ना बनाया)
आंधौ ईसकौ
उपजावै अजांण डर
बगतर री कड़िया कस
ऊभौ होवै गुमेज
हार अर जीत री बारखड़ी पजियोड़ौ
मानखौ
बणावै
नुंवा नुंवा असलाह
अस्वत्थामा रै ब्रहमास्त्र सूं लेय
नाईट्रोजन बम तांई
सगळां रै नुक्कै
लिखियौड़ौ होवै एक नाम
बे
घड़ी घड़ी
सोधै थनै
मां सगळा हथियार
थारी कूंख रा
बैरी क्यूं है
