भारत की संस्कृति के लिए... भाषा की उन्नति के लिए... साहित्य के प्रसार के लिए
नाङ्गो सभ्यता / चन्द्र गुरुङ
Kavita Kosh से
Lalit Kumar (चर्चा | योगदान) द्वारा परिवर्तित 09:21, 4 दिसम्बर 2025 का अवतरण ('{{KKGlobal}} {{KKRachna |रचनाकार=चन्द्र गुरुङ |अनुवादक= |संग्रह= }} {{KK...' के साथ नया पृष्ठ बनाया)
ए सुन्दरी !
तिमी कामको नाममा
फेसन–सोहरूमा एउटा–एउटा गर्दै
शरीरमाथिको लुगा फाल्छौ
दाम पाउनको लागि
ब्रा–पेन्टीमा क्याटवाक गर्दै
¥याम्पमा मस्त हिँड्छौ
र नाम कमाउन भनेर
विज्ञापनहरूमा अङ्ग प्रदर्शन गर्दै
मुस्कुराउँछौ कृत्रिम मुस्कान
अनि भन्छौ–
यो त आधुनिकता हो !
यो त सभ्यता हो !
तर म भन्छु –
यदि नाङ्गिनु नै सभ्यता हो भने
हाम्रा पूर्वज बढी सभ्य थिए
जो नाङ्गै हिँड्थे
नाङ्गै सुत्थे
र खेल्थे नाङ्गै ।
हामी त
सभ्यता र आधुनिकताको यो दौडमा
अगाडि होइन
धेरै पछाडि परेका छौँ ।
