भारत की संस्कृति के लिए... भाषा की उन्नति के लिए... साहित्य के प्रसार के लिए
चाँद / अमरेन्द्र
Kavita Kosh से
चंदा मामा आरे आवोॅ
नदिया किनारे आवोॅ
पानी मेॅ नहैवोॅ दोनों
गीत खुशी रोॅ गैवोॅ दोनों
तोहरोॅ गोरोॅ-गोरोॅ देह
धूल सें होथौं कारोॅ देह
यही डरेॅ नै आवै छोॅ
पन्द्रह रोज सतावै छोॅ
चंदा मामा आवोॅ नी
खिस्सा कोय सुनावोॅ नी
माय के देलोॅ रोटी केॅ
दूध सेॅ भरलोॅ बाटी केॅ
बड़ी छिपाय केॅ राखलेॅ छी
अभियोॅ तक नै खेलेॅ छी
चंदा मामा आवी जा
आरो दूर नै भागी जा
आवोॅ, खैवोॅ रोटी केॅ
दूधोॅ आधोॅ बाँटी केॅ
मिली-जुली केॅ साथोॅ मेॅ
हाँसवोॅ-खेलवोॅ रातोॅ मेॅ।
