भारत की संस्कृति के लिए... भाषा की उन्नति के लिए... साहित्य के प्रसार के लिए
चार चना / कस्तूरी झा ‘कोकिल’
Kavita Kosh से
बड़ी जलन जठरानल में भाय,
आबे न सहबै हो,
आबे न सहबै हो!
चार पहर, अठपहरा जे बीते
धीया-पूता जार-बेजार रोबै
चार चना अनमोल भेलै भाय,
आवे न बचवै हो!
दिन-भर खटाय जान मारलक महाजन,
अयलौं मजूरी बिना लौट आँगन।
लपट-झपट कलुआ खायले माँगै,
आबे की कहबै हो।
काली घटा दोनों आँख में उमड़ै,
देखी झोपड़िया के धीरज टूटै।
दोनों गले मिल कते हम कानवै,
कहाँ में रहबै हो?
-अप्रेल 1956, वर्ष-8, अंक-6
