भारत की संस्कृति के लिए... भाषा की उन्नति के लिए... साहित्य के प्रसार के लिए
टटका डहकन / शिव कुमार झा 'टिल्लू'
Kavita Kosh से
समधिन मारलथि एक लथारि
लगिते समधि काटथि बपहारि
समधि गुरकि गेलथि गोरथारि
अप्पन गाम नगरिया ना .........
देखिते समधि हाथमे सटका
समधिन उठाक' देलनि पटका
समधिक गत्रगत्रमे झटका
लगलनि बीच बजरिया ना............
अभरन बिनु घुरि एलथि समधि
समधिन पचका देलथिन धोधि
समधि डफली बनि चिचियाबथि
समधिन अपने पमरिया ना.........
समधिन जा रहली नैह'र
माँथपर मोटा नेने व्'र
लछरैत पछरैत घामक त'र
समधि चतुर्थीक भरिया ना .........
कोचिला खाउ लिअ' पूर्णांजलि
छींटब अंतिमबेर पुष्पांजलि
हुनक सोहागक बारहो अंजलि
मारू सेंथुमे मरिया ना........
