तिमीलाई म के भनूँ / दीपक जङ्गम

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

दीपक जङ्गम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तिमीलाई म के भनूँ
फूल भनूँ कि जून भनूँ
उपमा धेरै म दिऊँ
तिमीलाई मनकी मायालु भनूँ

फूल फुलेको मौसममा
यो साँझको शीतल वातावरणमा
यो मनलाई कसरी सम्हालूँ म
नपिई बेहोश-बेहोश भएँ म,
कहिले नछुट्ने नशा भनूँ कि
फूल भनूँ कि जून भनूँ
उपमा धेरै म दिऊँ
तिमीलाई मनकी मायालु भनूँ
तिमीलाई म के भनूँ

केही झुके-झुकेका नजर
केही बोल्न खोज्दा काँपेका अधर
दुई आँखाका गहिरा तालबिच
नसकी तर्न, डुबें डुबेँ म
कहिलै नछुट्ने तृष्णा भनूँ कि
फूल भनूँ कि जून भनूँ
उपमा धेरै म दिऊँ
तिमीलाई मनकी मायालु भनूँ
तिमीलाई म के भनूँ

शब्द, संगीत - दीपक जङ्गम
स्वर - नारायण गोपाल