दींदी त करि / लक्ष्मण पुरूस्वानी

खियालनि में कदहिं ईंदी त करि
दीवाने खे दीदार दींदी त करि

ईंहें बेरुखीअ सां न दिल खे जलाइ
नज़र सां निहारे बि खिलन्दी त करि

अकेली उदासीअ में ईंन्दई सकून
मुंह सां या चपनि सां गज़ल मुहिंजी चवन्दी त करि

निगाहुनि खे मुहिंजे तुहिंजी जुस्तजू
लिकी ई सही दीद दींदी त करि

न काबिल हुजां जे तुहिंजे प्यार जो
नफरत सां घूरे ई दिसन्दी त करि
न ठुकराइ ‘लक्षमण’ सन्दे प्यार खे
कदहिं ॻाल्हि मुंहिंजी मञींदी त करि