भारत की संस्कृति के लिए... भाषा की उन्नति के लिए... साहित्य के प्रसार के लिए
पंहिंजे ॾाॾे जे नाले मुंहिंजी धीउ जो ख़तु / महेश नेनवाणी
Kavita Kosh से
मुंहिंजी धीउ जो ख़तु
नरसरीअ में पढ़न्दड़
मुंहिंजी चइनि सालनि जी धीउ
अमृता खे
मथे ते धकु लॻो ऐं टाका आयसि
मूं पंहिंजी पत्नीअ खां पुछियो:
मां अमां खे ख़तु लिखी रहियो आहियां
अमृता जे धक जे बारे में लिखांसि छा?
मुंहिंजी धीअ अमृता
भरिसां ई सुम्हियल हुई
हुन चयो:
पापा, मां ॾाॾीअ खे
पंहिंजे धक जे बारे में लिखंदियसि;
तव्हां अन्तरदेशीय पत्रु मूंखे ॾियो।
मूं उन खे अन्तरदेशीय ख़तु
ऐं पेन ॾिनी।
हुन अन्तरदेशीय ख़त में
ए टु जैड सॼो अल्फ़ाबेट लिखियो
ऐं मूं खे चयाईं:
ॾाॾीअ खे मोकिलियो।
मूंखे लॻो
त ‘अलफ़ाबेट’ जे हर हिक
हर्फ़ जे शिल्प तां
मुंहिंजी माउ
मुंहिंजे धीउ जी समूरी पीड़ा
समुझी वेन्दी।
(मधु 1990)
