पीठी के गीत / 5 / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

तू तो कर गोरा लाडा उबटणो, थारा उबटणा में बास घणी,
चम्पा री कलियां सुगंध घणी, मरवा री कलियां बास घणी,
थारा दादा सा संजोयो उबटणू, थारी दाद्या र मन हंूस घणी,
वो तो तेल फुलेल चम्पा की कली, तू तो कर गोरा लाडा उबटणू।
थारा बाबा सा संजोयो उबटणू, थारी मायां र मन हूंस घणी,
वा तो तोल फुलेल चम्पा की कली, तू तो कर गोरा लोडा उबटणूं
थारा काका-ताऊ संजोयो उबटणू, थारी काकियां-तइयां मन हूंस घणी,
वो तो तेल फुलेल चम्पा की कली, तू तो कर गोरा लाडा उबटणू।
थारा फूफा-जीजा संजोयी उबटणू, थारी भूवा-बहना मन हंूस घणी।
वो तो तेल फुलेल चम्पा की कली, तू तो कर गोरा लाडा उबटणू।
थारा नाना-मामा संजायो उबटणू, थारी नानियां-मामियां मन हूंस घणी,
वो तो तेल फुलेल चम्पा की कली, तू तो कर गोरा लाडा उबटणू।