भारत की संस्कृति के लिए... भाषा की उन्नति के लिए... साहित्य के प्रसार के लिए
शरद-खंजन फिरै / ऋतुरंग / अमरेन्द्र
Kavita Kosh से
शरद-खंजन फिरै
गल्ला सें गल्ला मिलीकेॅ दुन्हू
की-की गलगल करै।
धानोॅ में ढुकलोॅ की मारै छै गपसप
निकली पोखरिया में गोड़ करै छपछप
कमलोॅ पर फुदकै कोय कोय्यो डरै
शरद-खंजन फिरै।
सारस केॅ दूषनें छै कारण्डव भोरे
जानी है-हंसें की पानी थपकोरै
बगुलाँ लै चुटकी-कोय कत्तो जरै
शरद-खंजन फिरै।
धोआ धोती रङ दिन राती पटोरी
बान्है छं कौनै ई जादू के डोरी
मोहिनी के मन्तर के धेनू चरै
शरद-खंजन फिरै।
