भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली सुन्दरकाण्ड पद 1 से 10 तक/पृष्ठ 3
Kavita Kosh से
(3)
राग सोरठ
बोलि, बलि, मूँदरी सानुज कुसल कोसलपालु |
अमिय-बचन सुनाइ मेटहि बिरह-ज्वाला-जालु ||
कहत हित अपमान मैं कियो, होत हिय सोइ सालु |
रोष छमि सुधि करत कबहू ललित लछिमन लालु ||
परसपर पति-देवरहि का होति चरचा चालु |
देवि कहु केहि हेत बोले बिपुल बानर-भालु ||
सीलनिधि समरथ सुसाहिब दीनबन्धु दयालु |
दास तुलसी प्रभुहि काहु न कह्यो मेरो हालु ||
