भारत की संस्कृति के लिए... भाषा की उन्नति के लिए... साहित्य के प्रसार के लिए
करत निज कर प्रीतम श्रृंगार / हनुमानप्रसाद पोद्दार
Kavita Kosh से
Sharda suman (चर्चा | योगदान) द्वारा परिवर्तित 13:01, 13 जनवरी 2014 का अवतरण ('{{KKRachna |रचनाकार=हनुमानप्रसाद पोद्दार |अनुवादक= |संग्र...' के साथ नया पन्ना बनाया)
करत निज कर प्रीतम श्रृंगार।
सुबरन-बरन सु-तन पहिरायो नील बसन करि मधु मनुहार॥
कला-कलित कंचुकि पहिराई, रतन-हार, मनि-मुक्ता-माल।
दिय आभरन अन्य सकल अंगनि पहिराए बिबिध रसाल॥
सुरभित सुमन दिय चुनि निज कर, गूँथि गले पहिरायौ हार।
नयननि सावधान अति आँज्यौ अंजन कोमल अँगुरिन-सार॥
माँग सिंदूर देइ मनभावन, रची सुमन-बेनी रमनीय।
बेंदी भाल लगाइ मनोहर, पहिराए कुंडल कमनीय॥
पुष्पसार लै मधुर सुगंधित दियौ लगाय प्रिया सुचि अंग।
दै तांबूल सुबासित मुख, दृग अपलक निरखत अँग-प्रत्यंग॥
करने लगे प्रिया-सँग प्रमुदित स्मित-मुख मधुमय रस-आलाप।
पुष्प-सेज पर रहे बिराजित, उमग्यौ आनँद-सिंधु अमाप॥
