गंधर्वसेन-मंत्री-खंड / मलिक मोहम्मद जायसी का स्रोत देखें

{{KKGlobal}}
{{KKRachna
|रचनाकार=मलिक मोहम्मद जायसी
}} 

'''मुखपृष्ठ: [[पद्मावत / मलिक मोहम्मद जायसी]]'''


राजै सुनि, जोगी गढ चढे । पूछै पास जो पंडित पढे ॥<br>
जोगी गढ जो सेंधि दै आवहिं । बोलहु सबद सिद्धि जस पावहिं ॥<br>
कहहिं वेद पढि पंडित बेदी । जोगि भौर जस मालति-भेदी ॥<br>
जैसे चोर सेंधि सिर मेलहिं । तस ए दुवौ जीउ पर खेलहिं ॥<br>
पंथ न चलहिं बेद जस लिखा । सरग जाए सूरी चढि सिखा ॥<br>
चोर होइ सूरी पर मोखू । देइ जौ सूरि तिन्हहि नहिं दोखू <br>
चोर पुकारि बेधि घर मूसा । खेलै राज-भँढार मँजूसा ॥<br><br>

जस ए राजमँदिर महँ दीन्ह रेनि कहँ सेंधि ।<br>
तस छेंकहु पुनि इन्ह कहँ, मारहु सूरी बेधि ॥1॥<br><br>

राँध जो मंत्री बोले सोई । एस जो चोर सिद्धि पै कोई ॥<br>
सिद्ध निसंक रैनि दिन भवँहीं । ताका जहाँ तहाँ अपसवहीं ॥<br>
सिद्ध निडर अस अपने जीवा । खडग देखि कै नावहिं गीवा ॥<br>
सिद्ध जाइ पै जिउ बध जहाँ । औरहि मरन-पंख अस कहाँ ?॥<br>
चढा जो कोपि गगन उपराहीं । थोरे साज मरै सो नाहीं ॥<br>
जंबूक जूझ चढै जौ राजा । सिंध साज कै चढै तौ छाजा ॥<br>
सिद्ध अमर, काया जस पारा । छरहिं मरहि, बर जाई न मारा ॥ <br><br>

छरही काज कृस्न कर, राजा चढै रिसाइ ।<br>
सिद्धगिद्ध जिन्ह दिस्टि गगन पर, बिनु छर किछु न बसाइ ॥2॥<br><br>

अबहीं करहु गुदर मिस साजू । चढहिं बजाइ जहाँ लगि राजू ॥<br>
होहिं सँजोवल कुँवर जो भोगी । सब दर छेंकि धरहिं अब जोगी ॥<br>
चौबिस लाख छ्त्रपति साजे । छपन कोटि दर बाजन बाजे ॥<br>
बाइस सहस हस्ति सिंघली। सकल पहार सहित महि हली॥<br>
जगत बराबर वै सब चाँपा। डरा इंद्र बासुकि हिय काँपा॥<br>
पदुम कोट रथ साजे आवहिं। गिरि होइ खेह गगन कहँ धावहिं॥<br>
जनु भुइँचाल चलत महि परा। टूटी कमठ-पीठि, हिय डरा॥<br><br>

छत्रहि सरग छाइगा, सूरुज गयउ अलोपि।<br>
दिनहिं राति अस देखिय, चढा इंद्र अस कोपि॥3॥<br><br>

देखि कटक औ मैमँत हाथी। बोले रतनसेन कर साथी॥<br>
होत आव दल बहुत असूझा। अस जानिय किछु होइहि जूझा॥<br>
राजा तू जोगी होइ खेला। एही दिवस कहँ हम भए चेला॥<br>
जहाँ गाढ ठाकुर कहँ होई। संग न छाँडै सेवक सोई॥<br>
जो हम मरन-दिवस मन ताका। आजु आइ पूजी वह साका॥<br>
बरु जिउ जाइ, जाइ नहिं बोला। राजा सत-सुमेरु नहिं बोला॥<br>
गुरू केर जौं आयसु पावहिं। सौंह होहिं औ चक्र चलावहिं॥<br><br>

आजु करहिं रन भारत सत बाचा देइ राखि।<br>
सत्य देख सब कौतुक, सत्य भरै पुनि साखि॥4॥<br><br>

गुरू कहा चेला सिध होहू। पेम-बारहोइ करहु न कोहू॥<br>
जाकहँ सीस नाइ कै दीजै। रंग न होइ ऊभ जौ कीजै॥<br>
जेहि जिउ पेम पानि भा सोई। जेहि रँग मिलै ओहि रँग होई॥<br>
जौ पै जाइ पेम सौं जूझा। कित तप मरहिं सिद्ध जो बूझा? ॥<br>
एहि सेंति बहुरि जूझ नहिं करिए। खडग देखि पानी होइ ढरिए॥<br>
पानिहि काह खडग कै धारा। लौटि पानि होइ सोइ जोप मारा॥<br>
पानी सेंती आगि का करई ? । जाइ बुझाइ जौ पानी परई॥<br><br>

सीस दीन्ह मैं अगमन पेम-पानि सिर मेलि।<br>
अब सो प्रीति निबाहौं, चलौं सिद्ध होइ खेलि॥5॥<br><br>

राजै छेंकि धरे सब जोगी । दुख ऊपर दुख सहै बियोगी॥<br>
ना जिउ धरक जरत होइ कोई। नाहीं मरन जियन डर होई॥<br>
नाग-फाँस उन्ह मेला गीबा। हरख न बिसमौं एकौ जीवा॥<br>
जेइ जिउ दीन्ह सो लेइ निकासा। बिसरै नहिं जौ लहि तन सासा॥<br>
कर किंगरी तेहि तंतु बजावै। इहै गीत बैरागी गावै॥<br>
भलेहि आनि गिउ मेली फाँसी। है न सोच हिय, रिस सब नासी॥<br>
मैं गिउ फाँद ओहि दिन मेला। जेहि दिन पेम-पंथ होइ खेला॥<br><br>

परगट गुपुत सकल महँ पूरि रहा सो नावँ।<br>
जहँ देखौं तहँ ओही, दूसर नहिं जहँ जावँ॥6॥<br><br>

जब लगि गुरु हौं अहा न चीन्हा। कोटि अँतरपट बीचहि दीन्हा॥<br>
जब चीन्हा तब और न कोई। तन मन जिउ जीवन सब सोई॥<br>
'हौं हौं' करत धोख इतराहीं। जय भा सिद्ध कहाँ परछाहीं? ॥<br>
मारै गुरू, कि गुरू जियावै। और को मार? मरै सब आवै॥<br>
सूरी मेलु, हस्ति करु चुरू। हौं नहिं जानौं; जानै गुरू॥<br>
गुरू हस्ति पर चढा सो पेखा। जगत जो नास्ति, नास्ति पै देखा॥<br>
अंध मीन जस जल महँ धावा। जल जीवन चल दिस्टि न आवा॥<br><br>

गुरु मोरे मोरे हिये, दिए तुरंगम ठाठ।<br>
भीतर करहिं डोलावै, बाहर नाचै काठ॥7॥<br><br>

सो पदमावति गुरु हौं चेला। जोग-तंत जेहि कारन खेला॥<br>
तजि वह बार न जानौं दूजा। जेहि दिन मिलै, जातरा-पूजा॥<br>
जीउ काढि भुइँ धरौं लिलाटा। ओहि कहँ देउँ हिये महँ पाटा॥<br>
को मोहिं ओहि छुआवै पाया। नव अवतार, देइ नइ काया॥<br>
जीउ चाहि जो अधिक पियारी। माँगै जीउ देउँ बलिहारी॥<br>
माँगै सीस, देउँ सह गीवा। अधिक तरौ जौं मारै जीवा॥<br>
अपने जिउ कर लोभ न मोहीं। पेम-बार होइ माँगौं ओही॥<br><br>

दरसन ओहि कर दिया जस, हौ सो भिखारि पतंग।<br>
जो करवत सिर सारै, मरत न मोरौं अंग॥8॥<br><br>

पदमावति कँवला ससि-जोती। हँसे फूल, रोवै सब मोती॥<br>
बरजा पितै हँसी औ रोजू। लागे दूत, होइ निति खोजू॥<br>
जबहिं सुरुज कहँ लागा राहू। तबहिं कँवल मन भएउ अगाहू॥<br>
बिरह अगस्त जो बिसमौ उएऊ। सरवर-हरष सूखि सब गएऊ॥<br>
परगट ढारि सके नहिं आँसू। घटि घटि माँसु गुपुत होइ नासू॥<br>
जस दिन माँझ रैनि होइ आई। बिगसत कँवल गएउ मुरझाई॥<br>
राता बदन गएउ होइ सेता। भँवत भँवर रहि गए अचेता॥<br><br>

चित्त जो चिंता कीन्ह धनि, रोवै रोवँ समेत।<br>
सहस साल सहि, आहि भरि, मुरुछि परी, गा चेत॥9॥<br><br>

पदमावति सँग सखी सयानी। गनत नखत सब रैनि बिहानी॥<br>
जानहिं मरम कँवल कर कोई। देखि बिथा बिरहिन के रोईं॥<br>
बिरहा कठिन काल कै कला। बिरह न सहै, काल बरु भला॥<br>
काल काढि जिउ लेइ सिधारा। बिरह-काल मारे पर मारा॥<br>
बिरह आगि पर मेलै आगी। बिरह घाव पर घाव बजागी॥
<br>बिरह बान पर बान पसारा। बिरह रोग पर रोग सँचारा॥<br>
बिरह साल पर साल नवेला। बिरह काल पर काल दुहेला॥<br><br>

तन रावन होइ सर चढा, बिरह भयउ हनुवंत।<br>
जारे ऊपर जारै, चित मन करि भसमंत॥10॥<br><br>

कोइ कुमोद पसारहिं पाया। कोइ मलयगिरि छिरकहिं काया॥<br>
कोइ मुख सीतलल नीर चुवावै। कोइ अंचल सौं पौन डोलावै॥<br>
कोई मुख अमृत आनि निचोवा। जनु बिष दीन्ह, अधिक धनि सीबा॥<br>
जोवहिं साँस खिनहि खिन सखी। कब जिउ फिरै पौन-पर पँखी॥<br>
बिरह काल होइ हिये पईठा। जीउ काढि लै हाथ बईठा॥<br>
खिनहिं मौन बाँधे, खिन खोला। गही जीभ मुख आव न बोला॥<br>
खिनहिं बेझि कै बानन्ह मारा। कँपि कँपि नारि मरै बेकरारा॥<br><br>


घरि चारि इमि गहन गरासी। पुनि बिधि हिये जोति परगासी॥<br>
निसँस ऊभि भरि लीन्हेसि साँसा। भा अधार, जीवन कै आसा॥<br>
बिनवहिं सखी, छूट ससि राहू। तुम्हरी जोति जोति सब काहू॥<br>
तू ससि-बदन जगत उजियारी। केइ हरि लीन्ह, कीन्ह अँधियारी?॥<br>
तू गजगामिनि गरब-गरेली। अब कस आस छाँड तू, बेली॥<br>
तू हरि लंक हराए केहरि। अब कित हारि करति है हिय हरि? ॥<br>
तू कोकिल-बैनी जग मोहा। केइ व्याधा होइ गहा निछोहा?॥<br><br>

कँवल-कली तू पदमिनि! गइ निसि भयउ बिहान।<br>
अबहुँ न संपुट खोलसि जब रे उआ जग भानु॥12॥<br><br>

भानु नावँ सुनि कँवल बिगासा। फिरि कै भौंर लीन्ह मधु बासा॥<br>
सरद चंद मुख जबहिं उघेली। खंजन-नैन उठे करि केली॥<br>
बिरह न बोल आव मुख ताई। मरि मरि बोल जीउ बरियाईं॥<br>
दवैं बिरह दारुन, हिय काँपा। खोलि न जाइ बिरह-दुख झाँपा॥<br>
उदधि-समुद जस तरग देखावा। चख घूमहिं, मुख बात न आवा॥<br>
यह सुनि लहरि लहरि पर धावा। भँवर परा, जिउ थाह न पावा॥<br>
सखि आनि बिष देहु तौ मरऊँ। जिउ न पियार, मरै का डरऊँ?॥<br><br>

खिनहिं उठै, खिन बूडै, अस हिय कँवल सँकेत।<br>
हीरामनहि बुलावहि, सखी! गहन जिउ लेत॥13॥<br><br>

चेरी धाय सुनत खिन घाई। हीरामन लेइ आइँ बोलाई॥<br>
जनहु बैद ओषद लेइ आवा। रोगिया रोग मरत जिउ पावा॥<br>
सुनत असीस नैन धनि खोले। बिरह-बैन कोकिल जिमि बोले॥<br>
कँवलहिं बिरह-बिथा जस बाढी। केसर-बरन पीर हिय गाढी॥<br>
कित कँवलहिं भा पेम-अँकूरू। जो पै गहन लेहि दिन सूरू॥<br>
पुरइनि-छाँह कँबल कै करी। सकल बिथा सुनि अस तुम हरी॥<br>
पुरुष गभीर न बोलहिं काहू। जो बोलहिं तौ और निबाहू॥<br><br>

एतनै बोल कहत मुख पुनि होइ गई अचेत।<br>
पुनि को चेत सँभारै? उहै कहत मुख सेत॥14॥<br><br>

और दगध का कहौं अपारा। सती सो जरै कठिन अस झारा॥<br>
होई हनुबंत पैठ है कोई। लंकादाहु लागु करै सोई॥<br>
लंका बुझी आगि जौ लागी। यह न बुझाइ आँच बज्रागी॥<br>
जनहु अगिनि के उठहिं पहारा। औ सब लागहिं अंग अंगारा॥<br>
कटि कटि माँसु सराग पिरोवा। रकत कै आँसु माँसु सव रोबा॥<br>
खिन एक बार माँसु अस भूँजा। खिनहिं चबाइ सिंघ अस गूँजा॥<br>
एहि रे दगध हुँत उतिम मरीजै। दगध न सहिय,जीउ बरु दीजै॥<br><br>

जहँ लगि चंदन मलयगिरि औ सायर सब नीर।<br>
सब मिलि आइ बुझावहिं, बुझै न आगि सरीर॥15॥<br><br>

हीरामन जौं देखेसि नारी। प्रीति-बेल उपनी हिय-बारी॥<br>
कहेसि कस न तुम्ह होहु दुहेली। अरुझी पेम जो पीतम बेली॥<br>
प्रीति-बेलि जिनि अरुझै कोई ।अरुझे,, मुए न छूटै सोई ॥<br>
प्रीति-वेलि ऐसै तन डाढा। पलुहत सुख, बाढत दुख बाढा॥<br>
प्रीति-बेलि कै अमर को बोई? । दिन दिन बढै, छीन नहिं होई॥<br>
प्रीति-बेलि सँग बिरह अपारा। सरग पतार जरै तेहि झारा॥<br>
प्रीति अकेलि बेलि चढि छावा। दूसर बेलि न सँचरै पावा॥<br><br>

प्रीति-बेलि अरुझै जब तब सुछाँह सुख-साख।<br>
मिलै पीरीतम आइ कै,दाख-बेलि-रस चाख॥16॥<br><br>

पदमावति उठि टेकै पाया। तुम्ह हुँत देखौं पीतम-छाया॥<br>
कहत लाज औ रहै न जीऊ। एक दिसि आगि दुसर दिसि पीऊ॥<br>
सूर उदयगिरि चढत भुलाना। गहने गहा, कँवल कुँभिलाना॥<br>
ओहट होइ मरौं तौ झूरी। यह सुठि मरौं जो नियर, न दूरी॥<br>
घट महँ निकट, बिकट होइ मेरू। मिलहि न मिले, परा तस फेरू॥<br>
तुम्ह सो मोर खेवक गुरु देवा। उतरौं पार तेही बिधि खेवा॥<br>
दमनहिं नलहिं जो हंस मेरावा। तुम्ह हीरामन नावँ कहावा॥<br><br>

मूरि सजीवन दूरि है, सालै सकती-बानु।<br>
प्रान मुकुत अब होत है, बेगि देखावहु भानु॥17॥<br><br>

हीरामन भुई धरा लिलाटू। तुम्ह रानी जुग जुग सुख-पाटू॥<br>
जेहि के हाथ सजीवन मूरी। सो जानिय अब नाहीं दूरी॥<br>
पिता तुम्हार राज कर भोगी। पूजै बिप्र मरावै जोगी॥<br>
पौंरि पौंरि कोतवार जो बैठा। पेम कलुबुध सुरग होइ पैठा॥<br>
चढत रैनि गढ होइगा भोरू। आबत बार धरा कै चोरू॥<br>
अब लेइ गए देइ ओहि सूरी। तेहि सौं अगाह बिथा तुम्ह पूरी॥<br>
अब तुम्ह जिउ काया वह जोगी। कया क रोग जानु पै रोगी॥<br><br>

रूप तुम्हार जीउ कै (आपन) पिंड कमावा फेरि।<br>
आपु हेराइ रहा, तेहि काल न पावै हेरि॥18॥<br><br>

हीरामन जो बात यह कही। सूर गहन चाँद तब गही॥<br>
सूर के दुख सौं ससि भइ दुखी। सो कित दुख मानै करमुखी? ॥<br>
अब जौं जोगि मरै मोहि नेहा। मोहि ओहि साथ धरति गगनेहा॥<br>
रहै त करौं जनम भरि सेवा। चलै त, यह जिउ साथ परेवा॥<br>
कहेसि कि कौन करा है सोई। पर-काया परवेस जो होई॥<br>
पलटि सो पंथ कौन बिधि खेला। चेला गुरू, गुरू भा चेला॥<br>
कौन खंड अस रहा लुकाई। आवै काल, हेरि फिरिजाई॥<br><br>

चेला सिद्धि सो पावै, गुरु सौं करै अछेद।<br>
गुरू करै जो किरिपा, पावै चेला भेद॥19॥<br><br>

अनु रानी तुम गुरु, वह चेला। मोहि बूझहु कै सिद्ध नवेला? ॥<br>
तुम्ह चेला कहँ परसन भई। दरसन देइ मँडप चलि गई॥<br>
रूप गुरू कर चेलै डीठा। चित समाइ होइ चित्र पईठा॥<br>
जीउ काढि लै तुम्ह अपसई। वह भा कया, जीव तुम्ह भई॥<br>
कया जो लाग धूप औ सीऊ। कया न जान, जान पै जीऊ॥<br>
भोग तुम्हार मिला ओहि जाई। जो ओहि बिथा सो तुम्ह कहँ आई॥<br>
तुम ओहिके घट, वह तुम माहाँ। काल कहाँ पावै वह छाहाँ? ॥<br><br>

अस वह जोगी अमर भा पर-काया परवेस।<br>
आवै काल, गुरुहि तहँ, देखि सो करै अदेस॥20॥<br><br>

सुनि जोगी कै अमर जो करनी। नेवरी बिथा बिरह कै मरनी॥<br>
कवँल-करी होइ बिगसा जीऊ। जनु रवि देख छूटि गा सीऊ॥<br>
जो अस सिद्ध को मारै पारा? । निपुरुष तेई जरै होइ छारा॥<br>
कहौ जाइ अब मोर सँदेसू। तजौ जोग अब, होइ नरेसू॥<br>
जिनि जानहु हौं तुम्ह सौं दूरी। नैनन माँझ गडी वह सूरी॥<br>
तुम्ह परसेद घटे घट केरा। मोहिं घट जीव घटत नहिं बेरा॥<br>
तुम्ह कहँ पाट हिये महँ साजा। अब तुम मोर दुहूँ जग राजा॥<br><br>

जौं रे जियहिं मिलि गर रहहिं, मरहिं त एकै दोउ।<br>
तुम्ह जिउ कहँ जिनि होइ किछु, मोहिं जिउ होउ सो होउ॥21॥<br><br>


(1) सबद = व्यवस्था । सरग जाए = स्वर्ग जाना (अवधी) सूरि =सूली । 

(2) राँध =पास, समीप । भवँहीं = फिरते हैं । अपसवहीं =जाते हैं । मरन-पंख = मृत्यु के पंख जैसे 
चींटों को जमते हैं । पारा =पारद । छरहि = छल से, युक्ति से । बर =बल से । 

(3) गुदर = राजा के दरबार में हाजिरी, मोजरा; अथवा पाठांतर `कदरमस'=युद्ध । 
सँजोवल = सावधान । दर = दल , सेना ।
बराबर चाँपा = पैर से रौंदकर समतल कर दिया । भुइँचाल = भूचाल, भूकंप ।
अलोपि गए = लुप्त हो गए । 

(4) साका पूजी = समय पूरा हुआ । बोला = वचन, प्रतिज्ञा ।
ऊभ =ऊँचा । एहि सेंति = इससे, इसलिये । पानिहि कहा...धारा =पानी में तलवार मारने से 
पानी विदीर्ण नहीं होता, वह फिर ज्यों का त्यों बराबर हो जाता है । लौटि ...मारा = 
जो मरता है वही उलटा पानी (कोमल हो ) हो जाता है । धरक = धडक ।
बिसमौ = बिषाद (अवध) । रिस अस नासी = क्रोध भी सब प्रकार नष्ट कर दिया है । 

(7) अहा = था । अँतरपट = परदा, व्यवधान । इतराहीं =इतराते हैं, गर्व करते हैं । 
करू चूरू = चूर करे, पीस डाले । पै = ही । जल जीवन...आवा =जल सा यह जीवन चंचल है,
यह दिखाई नहीं देता है । ठाठ= रचना, ढाँचा । काठ = जड वस्तु, शरीर । 

(8) जातरा पूजा = यात्रा सफल हुई । पाटा = सिंहासन । करवत सिर सारै = सिर पर आरा 
चलावै ।

(9) रोजू = रोदन, रोना । खोजू = चौकसी । अगस्त =एक नक्षत्र, जैसे, उदित अगस्त पंथ 
जल सोखा । बिसमौ = बिना समय के । भँवत भँवर ....अचेता = डोलते हुए भौंरे अर्थात् 
पुतलियाँ निश्चल हो गई । 

(10) कोई = कुमुदिनी, यहाँ सखियाँ । काल कै कला = काल के 
रूप । नवेला =नया । 

(11) पौन पर = पवन के परवाला अर्थात् वायुरूप । बेकरारा = बेचैन कैसहु बिरह न छाँडै, भा ससि गहन गरास।
नखत चहूँ दिसि रोवहिं, अंधर धरति अकास॥
अंधर = अँधेरा । 

(12) तू हरिलंक....केहरि = तूने सिंह से कटि छीनकर उसे हराया । 
हारि करति है = निराश होती है, हिम्मत हारती है । निछोहा = निष्ठुर । 

(13) फिरि कै भौंर....मधुबासा = भौंरों ने फिर मधुवास लिया अर्थात् काली पुतलियाँ 
खुलीं । बरियाईं = जबरदस्ती । दवैं = दबाता है, पीसता है । झाँपा = ढका हुआ । सँकेत
= संकट । गहन = सूर्य-रूप रत्नसेन का अदर्शन । 

(14) अँकूरू = अंकुर ।काहू = कभी । 

(15) झारा = झार, ज्वाला । सराग = शलाका, सीख । गूँजा =गरजा । 
दगध =दाह । उतिम = उत्तम । 

(16) दुहेली = दुःखी । पलुहत = पल्लवित होते, पनपते हुए 

(17) तुम्ह हुँत = तुम्हारे द्वारा । ओहट =ओट में, दूर । मेरू = मेल, मिलाप । 
मिलहिं न मिले = मिलने पर भी नहीं मिलता । 
दमन =दमयंती । मुकुत होत है = छूटता है । 

(18) रूप तुम्हार जीउ..फेरि = तुम्हारे रूप (शरीर) मैं अपने जीव को करके (पर-काय-प्रवेश करके) उसने मानो दूसरा शरीर 
प्राप्त किया । 

(19) करमुखी =काले मुँह वाली । गगनेहा =गगन में, स्वर्ग में । करा = 
जला ।चेला सिद्धि सो पावै ...मेद = यह शुक का उत्तर है । अछेद,अभेद = भेद-भाव का 
त्याग । 

(20) अनु =फिर, आगे । मोहि बूझहु ...नवेला = नया सिद्ध बनाकर उलटा मुझसे 
पूछती हो । अपसई = चल दी । सीऊ = शीत । अदेस करै = नमस्कार करता है;`आदेश गुरु' यह प्रणाम में 
प्रचलित है । 

(21) नेवरी = निबटी, छूटी । निपुरुष = पुरुषार्थहीन । सूरी =शूली जो 
रत्नसेन को दी जानेवाली है । परसेद = प्रस्बेद, पसीना । घट = घटने पर । बेरा = देर, 
विलंब ।