जे पक्का मनुवादी वहेॅ मनुवाद-विरोधी / अमरेन्द्र का स्रोत देखें

{{KKGlobal}}
{{KKRachna
|रचनाकार=अमरेन्द्र
|अनुवादक=
|संग्रह=कुइयाँ मेँ काँटोॅ / अमरेन्द्र
}}
{{KKCatAngikaRachna}}
<poem>
जे पक्का मनुवादी वहेॅ मनुवाद-विरोधी
आपनोॅ हित छै जहाँ-जहाँ तेॅ जात केॅ खोजै
सब जातोॅ मेँ आपने जात दिखावै सोझे
दिक्कत होला पर पूछै छै खोदी-खोदी
गरियावै वक्ती नै आपनोॅ जात केॅ जोड़ै
जाति-संघ रोॅ महासंघ जे रोज बुलावै
जेकरोॅ बल्लोॅ पर शासन पर आसन पावै
झुट्टे द्विजवादी पथलोॅ पर माथोॅ फोड़ै
आपनोॅ जातोॅ रोॅ सेना नै हुनका अखरै
कोय गोतिया सें मिलेॅ भोज में तेॅ आफत छै
ओकरे मुँह मेँ ऊ माटी के जमा परत छै
जे ब्राह्मणवासी भीती रोॅ माटी खोखरै
सब नाली रोॅ धार। यहाँ पर के गंगा छै?
धोती जरा उठाय केॅ देखौ सब नंगा छै।
</poem>