"लील-सूक है दोनूं म्हारी सांवरिया / सांवर दइया" के अवतरणों में अंतर

लील-सूक है दोनूं म्हारी सांवरिया
अब खेलै तो मरजी थारी सांवरिया

कीं तो कमी हुवैला थारै आंगणियै
हरख-चिड़ी जावै परबारी सांवरिया

जग देखां पण कोई जचै रुचै कोनी
आ है ईं मन री लाचारी सांवरिया

औ खेल है औ खेल इंयां ई चालसी
तावड़ो छीयां बारी-बारी सांवरिया

दो दिन मिल मुळक बतळावणो सगळा सूं
थारी माया सबसूं न्यारी सांवरिया