"भगवान सिंह 'भास्कर'" के अवतरणों में अंतर

जान हमरा पर आपन निसार का करी
बश में दोसरा के रहिके करार का करी

हियरा हहरत रही, मनवा डहकत रही,
जेके परदेश पिय ऊ सिंगार का करी

तरसे बदरा नियर ई नयन रात-दिन,
लाख अइबे करी त सुखार का करी

जेकरा दिल में लागल आग बिरहा के बा
ओके पावस के बरखा बहार का करी

पाती पढ़-पढ़के छाती जरे रात-दिन
रोज ढ़रकत नयनवा के धार का करी

जवन सोना रहे सगरो माटी भइल
केतनो गढ़वइब नौलखा हार का करी

हम त मर गइलीं बस तोहरा मुसकान पर
तीर-तलवार-भाला-कटार का करी

नाव मँझधार में फंस गइल ‘भास्कर’
जे सहारा ना देब, त पार का करी