"...अर खाक हो जाऊंगो म्हूं /हेमन्त गुप्ता ‘पंकज’" के अवतरणों में अंतर

म्हीं सदा ईं
डर लागै छै
या जाण’र
कै म्हारा मन में
पनपी उम्मीदां
पूरी होवैगी
या न्हं हो पावैगी
जीवण का संग्राम में
कद कुण-सो घमासाण हो जावैगो
ऊ में म्हारी
जीत को लहरावैगो
या
म्हारी सारी उम्मीदां
हो जावैगी
स्वाहा
हर्या-भर्या रूंखड़ां की
ठंडी-ठंडी बाळ में
मिलेगी म्हारै तांई
किसी अमराई की
ठंडी छांव
जिनगाणी का सुनहरा सुपना
पूजेगा म्हारा पांव
या
सूखी धरती पर
हो जावैगो
म्हारो
तप्यो हुओ सो तन-मन
...अर
खाक हो जाऊंगो म्हूं