"तीन / नंदकिशोर सोमानी ‘स्नेह’" के अवतरणों में अंतर

भींतां री छाती रै चिप्योड़ी छिपकल्यां
आपरी ऊंडी दीठ रै पाण
भर लेवै
आपरो पेट।
 
वै नित री गिटै
भांत-भांत रा कीड़ा-मकौड़ा / माछर
रंग-बिरंगां कीट-पतंगा
वै गिट जावै
भींतां रै आसै-पासै उडतै फिड़कलां नैं।
भींतां फेरूं ई मून रैवै
मून रैवणो भींतां रो सुभाव होवै
अर कीड़ा गिटणो छिपकल्यां रो स्वाद!
 
जद ताणी भींतां मून रैसी
छिपकल्यां इयां ई मनावैली
पिकनिक।