"माइ हे त्रिभुवनपति वर सुन्दर है / मैथिली लोकगीत" के अवतरणों में अंतर

माइ हे त्रिभुवनपति वर सुन्दर है
माइ हे सिया मोरा छथि सोहागिन हे
माइ हे आठहि मिलि सब चलल हे
माइ हे हजमा सऽ पल्लव बन्हाओल हे
माइ हे सोनक उखरि रूपे मूसर छनि
माइ हे उखरि पड़ल दूभि धान हे
दस दाइ माइ मिलि मंगल गाओल हे
माइ हे आठ मिलि कूटथि ओठंगर हे
माइ हे पंडित वेद पढ़ाओल हे
भनहि विद्यापति गाओल गाबि सुनाओल हे
माइ हे सीताराम भेल विवाह कोबर बैसाओल हे