"મેળામાં મળવા દો / નરેન્દ્ર મોદી" के अवतरणों में अंतर

મેળામાં મળવા દો

ટોળાનું મેળામાં રુપાંતર કરવું

એ છે મારો જીવનધર્મ,

મારું જીવનકર્મ.

મેળામાં માણસ હળતો હોય છે

મળતો હોય છે

સમયને સોહામણો કરતો હોય છે.

હું છે નો માણસ છું.

નથી નથી પર છેકો મૂકું.

કોઈક ઈમારત પડતી હોય

તો ટેકો મૂકું.

માનવની પાછળ માધવ છે

ને રાઘવ છે.

મારી પાસે વાંસળી છે

ને શિવધનુષ્ય.

ઈશ્વર ને શયતાનની વચ્ચે

હું તો મારે રહું મનુષ્ય.

મનુષ્ય થવું એ જ મોટી વાત.

પૃથ્વીમાં હું જોઉ સ્વર્ગને.

મારી એ જ મિરાત.

ટોળાને ટળવા દો.

મેળામાં મળવા દો.