"જોઈશ આ હ્રદય ભીતર / હરિશ્ચંદ્ર ભટ્ટ" के अवतरणों में अंतर

જોઈશ આ હ્રદય ભીતર એક વાર ?
પારેવડું ગરીબડું રડતું ઘવાયું,
ના હોંશ કૂજન તણી, ઊડવાની યે ના;
પાંખો ગઈ, ગઈ વળી દિવસોની ઉષ્મા.

આવે બિચારું તુજ હાથ મહીં લપાવા
જેણે ફરી ફરી ધરી કણ ભૂખ ભાંગી,
ને કૂજને હ્રદયનો રણકાર પૂરી
જેને નચાવી રીઝવ્યું હતું કૈંક વેળ.

એ જાય ક્યાં, ક્યમ ભૂલે દિવસોની મૈત્રી
જ્યારે હવે નવ રહી ઊડવાની હામ ?
તેં ખોળલે લઈ રમાડ્યું, હવે ખસેડે
શાને પૂછે હ્રદયને નહિ બીજી વાર ?

થૈને કૃતઘ્ની કરી ચંચુ-પ્રહાર ક્યારે
ડાર્યા કદી ય તુજ વત્સલ હાથ એણે ?