भारत की संस्कृति के लिए... भाषा की उन्नति के लिए... साहित्य के प्रसार के लिए
"एना कते दिन जोगाबी / नरेश कुमार विकल" के अवतरणों में अंतर
Kavita Kosh से
('{{KKGlobal}} {{KKRachna |रचनाकार=नरेश कुमार विकल |संग्रह=अरिपन / नर...' के साथ नया पृष्ठ बनाया) |
(कोई अंतर नहीं)
|
00:05, 23 अप्रैल 2015 के समय का अवतरण
चान डूबल, आस छूटल
एना मे गीत की गाबी ?
छन्द रूसल, ताल टूटल
एना मे गीत की गाबी ?
मोनक श्रृंगार कयने छी
तनल आकाश केर नीचाँ,
हमर मोनक भाषा केर-
बनत कैकटा ऋचाऽ।
हृदय केर तार सभ टूटल
कहाँ सँ तान हम लाबी ?
छन्द रूसल, ताल टूटल
एना मे गीत की गाबी ?
जरतई देह बिनु आगिक
आँखिक नोर मे डूबत,
आंगन मे इजोरिया संग
ऐपन चान सन ऊगत
सिनुरी सांझ पुनि ऊगल
कोना हम मोन कें दाबी ?
छन्द रूसल, ताल टूटल
एना मे गीत की गाबी ?
तरेगन ताम्र-पत्र परक
उगल दू तीनटा आखर
पिआसल मोन कें भरत
ने कहियो गंग आ सागर।
स्नेहक सीत सभ बरिसल
एना कत दिन जोगाबी ?
छन्द रूसल, ताल टूटल
एना मे गीत की गाबी ?
