भारत की संस्कृति के लिए... भाषा की उन्नति के लिए... साहित्य के प्रसार के लिए
"पूरब दिसा ले नवा सुरुज के / लक्ष्मण मस्तुरिया" के अवतरणों में अंतर
Kavita Kosh से
('{{KKGlobal}} {{KKRachna |रचनाकार=लक्ष्मण मस्तुरिया |संग्रह= }} {{KKCatGeet}}...' के साथ नया पृष्ठ बनाया) |
(कोई अंतर नहीं)
|
21:58, 28 अक्टूबर 2016 के समय का अवतरण
पूरब दिसा ले नवा सुरुज के, बगरत हे उजियारी
आसा अउ बिसवास जगाबो, भागे सबो अंधियारी
चलो जिनगी ल जगाबो, चलो बिगड़ी ल बनाबो
चलो भईया रे
चलो भईया खांध म खांध मिलाके रे,
जिनगी ल जगाबो, बिगड़ी ल बनाबो,
जांगर तोड़ कमा के
आपस के छोड़ भेदभाव ल, मया के बांध बंधाबो
आलस छोड़, मेहनत के डोंगा मा
जुर-मिल डुबकी लगाबो रे,
जिनगी ल जगाबो, बिगड़ी ल बनाबो,
जांगर तोड़ कमा के
गिर गिर उठना, आघु बढ़ना हमर ठठा हांसी
हमर ठठा हांसी
जोर जुलुम ले का घबराबो,
हम पक्का भारतवासी रे,
जिनगी ल जगाबो, बिगड़ी ल बनाबो,
जांगर तोड़ कमा के
हमर सन्सू में ताला भला कोन तोड़े कहाँ कब पाही
खांध म खांध मिलाके रहिबो,
हम मजदूर सिपाही रे,
जिनगी ल जगाबो, बिगड़ी ल बनाबो,
जांगर तोड़ कमा के