भारत की संस्कृति के लिए... भाषा की उन्नति के लिए... साहित्य के प्रसार के लिए
"चौरा मा गोंदा रसिया / लक्ष्मण मस्तुरिया" के अवतरणों में अंतर
Kavita Kosh से
('{{KKGlobal}} {{KKRachna |रचनाकार=लक्ष्मण मस्तुरिया |संग्रह= }} {{KKCatGeet}}...' के साथ नया पृष्ठ बनाया) |
(कोई अंतर नहीं)
|
22:54, 28 अक्टूबर 2016 के समय का अवतरण
चौरा मा गोंदा रसिया
मोर बारी म पताल रे
लाली गुलाली रंग छिचत अईबे
राजा मोर छिचत अईबे
छिचत अईबे रसिया
मै रैइथव छेव पारा म पूछत अईबे
पूछत अईबे रसिया
चौरा मा गोंदा रसिया
मोर बारी म पताल रे
परछी दुवारी म ठारेच रइहव
जोड़ी मोर ठारेच रइहव
ठारेच रैइहव रसिया
मन मा घलो मा
दिया ल बरेच रइहव
बरेच रइहव रसिया
चौरा मा गोंदा रसिया
मोर बारी म पताल रे
गली मा आँखी ल बिछाए रइहव
धनी मोर बिछाए रइहव
बिछाए रइहव रसिया
आके म नई लेबे रे रिसाये रइहव
रिसाये रइहव रसिया
चौरा मा गोंदा रसिया
मोर बारी म पताल रे
