भारत की संस्कृति के लिए... भाषा की उन्नति के लिए... साहित्य के प्रसार के लिए
"धनी बिना जग लागे सुन्ना रे / लक्ष्मण मस्तुरिया" के अवतरणों में अंतर
Kavita Kosh से
('{{KKGlobal}} {{KKRachna |रचनाकार=लक्ष्मण मस्तुरिया |संग्रह= }} {{KKCatGeet}}...' के साथ नया पृष्ठ बनाया) |
(कोई अंतर नहीं)
|
23:24, 28 अक्टूबर 2016 के समय का अवतरण
नई भावे मोला
सोना चांदी महल अटारी
नई बाचय चोला
धधकत हे छतिया मा आगी
धनी बिना जग लागे सुन्ना रे
घर बन बैरी लागे
गली गाँव कुल्लुप लागे
अन्न पानी जहर भईगे
बोली हंसी जुलुम लागे
अन्न पानी जहर भईगे
बोली हंसी जुलुम लागे
तन मन ह लागत हाबय घुन्ना रे
नई बाचय चोला
धधकत हे छतिया मा आगी
धनी बिना जग लागे सुन्ना रे
माटी के मोल काबर
सोलहों सिंगार लागय
चढ़ती जुवानी मोरो
अंगरा के आंच लागय
चढ़ती जुवानी मोरो
अंगरा के आंच लागय
पीरा होवय छिन छिन नवा जुन्ना रे
नई बाचय चोला
धधकत हे छतिया मा आगी
धनी बिना जग लागे सुन्ना रे
पीरा पिरित भईगे
जरत हे हिडाके काया
काबर बनाये रामा
मया पीरा के माया
काबर बनाये रामा
मया पीरा के माया
अधरे मा जिंदगी भईगे झुलना रे
नई बाचय चोला
धधकत हे छतिया मा आगी
धनी बिना जग लागे सुन्ना रे
