"गरिकन हेरेपछि थाहा हुन्छ / प्रेमप्रकाश मल्ल" के अवतरणों में अंतर

गरिकन हेरेपछि थाहा हुन्छ, नगर्दासम्मन् के थाहा ?
परिकन हेरेपछि थाहा हुन्छ, नपर्दासम्मन् के थाहा ?

मरेर कोही फकर्रे आउँदैन तर, जिउँदै मरेका झैँ
मरिकन हेरेपछि थाहा हुन्छ, नमर्दासम्मन् के थाहा ?

पीडाहरूका कष्टहरूका ती अग्ला–अग्ला चुचुराहरू
चढिकन हेरेपछि थाहा हुन्छ, नचढ्दासम्मन् के थाहा ?

वेदनाहरूका यातनाहरूका गहिरा–गहिरा नदीहरू
तरिकन हेरेपछि थाहा हुन्छ, नतर्दासम्मन् के थाहा ?

जिन्दगीमा दु:खै दु:खका खजानाहरू ढुकुटीहरू
भरिकन हेरेपछि थाहा हुन्छ, नभर्दासम्मन् के थाहा ?