"पड़तख गवाह / संजय पुरोहित" के अवतरणों में अंतर

रूंख रै हेटै
चळू करता
म्हारा दादो सा
बडो अर छोटिया काको सा
रूंख री छीयां राखती
कडूम्बै नै हरमेस ठंडो
आ बात पण पुराणी है
अब दादो सा नीं रैया
पांत्यां मांड्यो झगड़ो
कडूम्बै रा रूखाळा बण्या
रगत रा बैरी
पंचड़ा बणग्या खसम
काढयो फरमान
अर बंटग्या खेत
मंडग्या बैर
रूळग्या हेत
पांती होई च्यार
बैर पण नीं गयो।

बाप म्हारा
अब करया है
सो बरस पूरा
फेरूं होवैली
पांती च्यार
घर रै बारै ऊभ्यो रूंख
काल भी देख्यो
आज भी देख्यो
काल भी देखसी
रूंख ई है पड़तख गवाह।