"भाग आळी बीनणी / मोनिका शर्मा" के अवतरणों में अंतर

सासरै री कांकड़ मांय पग धरतां ईं
नवीं बीनणी का भाग री बातां चालगी
चोभींती हेली की साळां रा
ओडालेडड़ा कुवांड़ां रै ओलै बी
बींका चोखा-बुरा पगफेरा री
घणी'ईं चरचा चाली
आंडै-बांडै सगळा बतळाया
बिकी तगदीर का लिख्योड़ा लेखां नै
बाँचबां को जतन घर-बार, गाँव गुवाड़ का
सगळा'ईं मिनख करियो
पण बातां तो हुई'ई कोनीं
बां गुण संस्कारां अर पोथी पानड़ां री
बीनणी री बी पढाई-लिखाई की
जिका गुणां नै हेरतां-हेरतां
सासरै आळा बीं का पीर का
फळसा ताणीं आ पूंच्या
अर बा बावळी बी दिन की कह्योड़ी
बातां नै सांची मान'र
ठाडा जतन सूं संभाळ'र
सागै बांध ल्याई
नवां रिस्ता-नातां री समझ
पुराणी पोथ्यां एक कलम
अर थोड़ी सी स्याई।