"सगत रै हाथ बगत / ओम पुरोहित ‘कागद’" के अवतरणों में अंतर

समूळी सगती
म्हारी आंख्यां साम्हीं
सांवट' र चढ बैठ्यो
म्हारी छाती
हाथां दिया धमीड़
जीमतै री थाळी खोस
खायग्या म्हारी पांती
बरज्यो बकार्यो तो
हाका कर्या
म्हारी बुसक्यां देख
परचावण ढूक्या
आ बगत री मार है
समो भोत बळवान है
इण रै आगै
बिसात काईं मिनख री।

म्हैं मनां ओ सोचूं
उथळूं घट में
सिरकै क्यूं नीं
जे सिरकै नीं तो
सगत रै हाथ
क्यूं है बगत?