"घर नीं मकान / मधु आचार्य 'आशावादी'" के अवतरणों में अंतर

गवाड़ रा मानीता मिनख
उणां रो घर
पैलड़ै साल अेक भींत घली
कीं माण घटयो
आगलै साल दूजी भींत
लोगां मांय सरू हुई
खुसर -फुसर
तीजै साल फेरूं अेक भींत
अबै लोग बाता करण लागग्या
की ंसाची अर कीं गोडै घड़ी
चौथो साल आयो
घर मांय हाका ई हाका
अेक भींत और घालीजगी
लोगां बाबोसा नै
मूंडै माथै सुणावणो सरू कर दियो
मोटो घर, चार भींतां !
अबै लोगां उणनै
घर नीं
मकान कैवणौ सरू कर दियो।