भारत की संस्कृति के लिए... भाषा की उन्नति के लिए... साहित्य के प्रसार के लिए
"अंतस / मधु आचार्य 'आशावादी'" के अवतरणों में अंतर
Kavita Kosh से
आशिष पुरोहित (चर्चा | योगदान) ('{{KKGlobal}} {{KKRachna |रचनाकार= मधु आचार्य 'आशावादी' |संग्रह=अमर उ...' के साथ नया पृष्ठ बनाया) |
(कोई अंतर नहीं)
|
17:54, 28 जून 2017 के समय का अवतरण
उण दिन
म्हारो अंतस
म्हारै साम्हीं आय ‘र ऊभग्यो
उण नै देख ‘र म्हैं डरग्यो
उण रो सीधो सवाल
‘बता, क्यूं घाली
भायां मांय घात
क्यूं सुणायी कूड़ी बातां
जिण सूं रूकगी मा री सांसां
बाबोसा नै क्यू डराया
मौत रो भूत क्यूं दिखायो
बस,खाली आपरै खातर
पण थनै कांई मिलसी
फोड़ा तो पूरा भुगतणा पड़सी । ‘
साची है
जमानै री बातां रो हुवै जबाब
अंतस रै उजाळै नैं देख
कीं नीं बोलीजै
मूंडै मांय मूंग ई घालीजै।