भारत की संस्कृति के लिए... भाषा की उन्नति के लिए... साहित्य के प्रसार के लिए
"बारी आळी रात / मदन गोपाल लढ़ा" के अवतरणों में अंतर
Kavita Kosh से
आशिष पुरोहित (चर्चा | योगदान) ('{{KKGlobal}} {{KKRachna |रचनाकार=मदन गोपाल लढ़ा |अनुवादक= |संग्रह=च...' के साथ नया पृष्ठ बनाया) |
(कोई अंतर नहीं)
|
17:16, 9 जुलाई 2017 के समय का अवतरण
पाणी री बारी ही
कालै रात
नौ सूं बारह
हाथ में कस्सी लियां
भाजतो रैयो
नहर सूं खाळै
खाळै सूं खेत तांई
नक्का-बंधा संभाळतो।
बगत पूरो हुयां पछै ई
कोनी गयो ढाणी
कींकर जावतो
अंधारी रात में
सूनी छोड़'र
अेकली नहर नैं।
पड़्यो रैयो पटड़ै माथै
दिनूगै सुरजजी री साख में
पंखेरुवां नैं भोळायी
नहर री आंगळी झलायी
अर नचींतो सोयो
ढाणी में
हांडी बगत तांई।