"फूलफूलमा पातपातमा / दिनेश अधिकारी" के अवतरणों में अंतर

फूल–फूलमा पात–पातमा
पोखूँजस्तो लाग्छ जोबन
मनभरि तनभरि
शीतमाथि घामसरि
खुल्न खोज्छ मेरो चाहना
 
हिजोभन्दा आज राम्रो
लाग्न थाल्यो आफ्नै रूप
बात मार्न मन लाग्छ
एकान्तमा आफैँसित
किन यस्तो हुन्छ भन न ?
बादलमा उड्छ यो मन
 
परेलीको वरिपरि
छायाँ खेल्छ घरीघरी
रङ्ग छर्छ कोही मेरो
भावनामा सरीबरी
किन यस्तो हुन्छ भन न ?
यस्तै हुने हो कि मिलन ?